ISASAILALIM ng Department of Environment and Natural Resources (DENR) ang rehabilitasyon sa Manila Bay.

Ayon kay Secretary Roy Cimatu, gumagawa na sila ng hakbangin upang mabawasan ang coliform sa lugar at maging ligtas na itong paliguan ng mga tao.

Nais ng DENR na maihalintulad ang rehabilitasyon sa ginawang matagumpay na paglilinis sa Boracay.

Bukod sa Manila Bay nasa plano na rin ang rehabilitasyon sa mga malalaking dagat sa Central Luzon, CALABARZON at mga maliliit na isla sa Western Visayas.